Депутаттар Ысык-Көлдүн жээгин тазалоо акциясына катышышты
Жогорку Кеңештин Төрагасы Марлен Маматалиев Түп жана Ысык-Көл райондоруна барып, көл түбүн жана жээгин тазалоо акцияларына катышты. Бул тууралуу парламенттин басма сөз кызматы билдирди.
Маалыматка караганда, алгач Төрага Жогорку Кеңештин жана Чолпон-Ата шаардык кеңешинин депутаттары, ошондой эле жаштар менен бирге Ысык-Көлдүн жээгин тазалашты.
Андан соң суу астына түшүп, көлдүн флорасы жана фаунасы үчүн коркунуч жараткан түбүндөгү таштандыларды алып чыгышты.
Бүгүнкү акциянын максаты Ысык-Көлдү тазалоо менен экологиялык көйгөйлөрдү алдын алууну көздөй тургандыгын айткан Төрага жарандарды жаратылышка аяр мамиле кылууга чакырып: “Ысык-Көлдү таза сактап, келечек муундарга өткөрүп берүү жалпыбыздын милдетибиз. Өз жерин, өз элин сүйгөн адам мындай кыянатчылыкка барбашы керек”, – деди.
