Агартуу министрлигинин мекемелерине 91 кызматтык унаа берилет

Президент Садыр Жапаровдун демилгеси менен Агартуу министрлигине караштуу билим берүү мекемелерине 91 даана кызматтык автоунаа тапшырылат. Бул тууралуу ведомстводон билдиришти.

Маалыматка ылайык, аймактык жана ведомстволук бөлүмдөрдү автотранспорт менен камсыз кылуу жүктөлгөн милдеттерди натыйжалуу аткарууга шарт түзөт.

Унаалар “Мамлекеттик лизинг компаниясы” ачык акционердик коому аркылуу лизинг механизми менен алынат. Жалпысынан Chevrolet Tracker үлгүсүндөгү 91 автоунаа сатып алуу пландалууда.