Чүйдө мыйзамсыз таштанды төгүүчү жай тазаланды

Чүй облусунун Кош-Коргон айылында мыйзамсыз уюштурулган таштанды төгүүчү жай тазаланды. Бул тууралуу Жаратылыш ресурстары, экология жана техникалык көзөмөл министрлиги билдирди.

Маалым болгондой, жергиликтүү тургундардын кайрылуусунан кийин Экологиялык жана техникалык көзөмөл кызматынын инспекторлору текшерүү жүргүзүп, таштандылар белгиленбеген жерге мыйзамсыз төгүлгөнүн аныкташкан.

Текшерүүнүн жыйынтыгында жергиликтүү бийлик тарабынан аймак таштандылардан тазаланып, мыйзам бузууга жол берген тарапка административдик чаралар көрүлдү.