Бишкек мэринин Свердлов районундагы жолугушуусу 6 саатка созулду
Күн мурун Кыргыз-Орус Славян университетинде Бишкек шаарынын мэри Айбек Джунушалиевдин Свердлов районунун тургундары менен жолугушуусу өттү. Жолугушуу 6 сааттан ашык убакытка созулду.
Муниципалитеттин маалыматына ылайык, шаар мэри жолугушууларда көтөрүлгөн маселелер боюнча протокол жүргүзүлүп, анын негизинде иш-чаралар планы даярдаларын билдирди. Анда аткаруу мөөнөттөрү, жооптуу адамдар жана каржылоо булактары аныкталат.
Жолугушууга райондун 400гө жакын тургуну катышты. Анда турак жай-коммуналдык чарба, транспорт, балдар аянтчаларын куруу, башкы план, жер мунапысы жана башка маселелер көтөрүлдү.
Айбек Джунушалиев жеринде эле орун басарларына жана тиешелүү кызматтарга маселелерди сапаттуу чечүү жана ыкчам чараларды көрүү боюнча тапшырмаларды берди.
Белгилей кетсек, Свердлов районунун тургундары менен дагы бир жолугушуу 12-май күнү саат 16:00дө Ч.Айтматов атындагы Бишкек лицейинде өтөт. Дареги: Широкая көчөсү, 1а.
