Төмөнкү Ала-Арча суу сактагычында эс алуучуларга шарт түзүлөт
Төмөнкү Ала-Арча суу сактагычына шарттар түзүлөт. Бул тууралуу президенттин администрациясынын маалыматтык саясат кызматынын башчысы Дайырбек Орунбеков социалдык тармактагы баракчасына жазды.
Орунбековдун маалыматына караганда, буга чейин жеке адамдар тейлөө кызматтарын көрсөтүп, жетиштүү деңгээлде шарты жок болчу.
“Президент Садыр Нургожоевич өзү келип көрүп, тийешелүү мамлекеттик органдарга элге жана туристтерге шарт түзүп, көркүнө келтиргиле деген тапшырма берди”, - дейт маалымат катчы.
“Алдыңкы жылдары эң алдынкы туристтик жайга айланат. Афрейм үйлөр, ресторандар, сейилдеп жүрчү жолдор курулат”, деп кошумчалды Орунбеков.
Эске салсак, Төмөнкү Ала-Арча суу сактагычы 1965-жылы курулган. Чүйдөгү айыл чарба талааларын сугарууга мааниси зор болуп саналат.
