Коом

Балдарга паспорт алуу тартиби жеңилдеди

Сапар Акунбеков

Балдарга паспорт алуу тартиби жеңилдеди

Президент Садыр Жапаров 16 жашка чейинки балдардын паспорт алуу тартибин жеңилдеткен мыйзамга кол койду. Бул тууралуу президенттик админстрациянын маалымат жана саясат бөлүмүнөн билдирди.

Маалыматка караганда, жаңы өзгөртүүлөргө ылайык, эми Кыргызстан ичинде балага жалпы жарандык паспортту ата-энесинин биринин арызы менен эле алууга мүмкүн болот. Буга чейин айрым учурда эки тараптын макулдугу талап кылынып келген.

Ал эми чет өлкөдө паспорт алуу үчүн мурдагыдай эле ата-эненин экөөнүн тең макулдугу керек болот. Эгер алардын бири каршы болсо, маселе сот аркылуу чечилет.

Мындан тышкары, өзгөчө же аскердик абал маалында мөөнөтү өтүп кеткен балдардын паспортун узартууга уруксат берилет. Мындай чечимди Министрлер кабинети кабыл алат.

Жаңылыктар биздин Телеграмм каналда

Мындан тышкары окуңуз

Президент жөлөк пулдар жөнүндө мыйзамга кол койду

Президент жөлөк пулдар жөнүндө мыйзамга кол койду

Президент Садыр Жапаров “Кыргыз Республикасындагы мамлекеттик жөлөк пулдар жөнүндө” Кыргыз Республикасынын мыйзамына өзгөртүүлөрдү киргизүү тууралуу” мыйзамга кол койду. Мыйзам 2026-жылдын 29-апрелинде Жогорку Кеңеш тарабынан кабыл алынган. Аталган мыйзам президенттин “Үч жашка чейинки балдарга ай сайын мамлекеттик жөлөк пулду киргизүү жөнүндө” Жарлыгын ишке ашыруу максатында кабыл алынган. Мамлекеттик жөлөк пулдардын жаңы
“Күндүз талаада иштеп, түнү менен кыям кайнатчубуз” – таластык ишкер айымдын ийгилик баяны

“Күндүз талаада иштеп, түнү менен кыям кайнатчубуз” – таластык ишкер айымдын ийгилик баяны

Бул жолку каарманыбыз – Талас облусунун Көк-Ой айылынын тургуну, 4 кыздын энеси Жибек Абдрахманова. Ал үй-бүлөсү менен бирге 5 жылдан бери кыям жасап келет. Бүгүнкү күндө алардын чакан цехинде 11 адам эмгектенип, жылына 50-60 тонна кыям өндүрүлөт. Бирок бул ийгиликтин артында күн-түн дебей жасалган эмгек, тобокелчилик жана чоң чыдамкайлык турат. Жибек
Кемин мал базарында документи жок ондогон мал артка кайтарылды

Кемин мал базарында документи жок ондогон мал артка кайтарылды

Чүй облусунун Кемин районундагы мал базарда жүргүзүлгөн мониторинг учурунда бодо малдын 30 пайызынын, ал эми кой-эчкинин 60%ынын кулагындагы биркасы жана коштоочу документтери жок экени аныкталды. Бул тууралуу Ветеринардык жана фитосанитардык көзөмөл кызматынын Бишкек шаары жана Чүй облусу боюнча регионалдык башкармалыгынын жетекчисинин орун басары Мухамед Дуванаев билдирди. Маалыматка ылайык, 24-майда
Өзгөндө селден жабыркаган үйлөр тазаланууда

Өзгөндө селден жабыркаган үйлөр тазаланууда

Катуу жамгырдан улам Өзгөн районунун 6 айыл аймагында жана район борборунда жалпы 65 турак жайга сел суусу кирген. Бул тууралуу Президенттин Ош облусу боюнча өкүлүнүн басма сөз кызматынан билдирди. Маалыматка ылайык, 37 үйдүн жер төлөсүнө суу кирген. Анын 19у толук тазаланган. 28 үйдү суу каптап, дээрлик көпчүлүгү сел калдыктарынан тазаланды.