Ысык-Көлдөн браконьердик торлор табылды
Министрлер Кабинетинин Төрагасы Адылбек Касымалиев Ысык-Көлгө болгон жумушчу сапарынын алкагында көлдүн экосистемасын коргоо боюнча жүргүзүлүп жаткан иштер менен таанышты.
Президенттик админстрациянын маалыматтык саясат бөлүмүнүн маалыматына ылайык, иш-чаранын жүрүшүндө көлдүн түбүнөн мыйзамсыз балык уулоодо колдонулган браконьердик торлор алынып чыкты. Бул иштер Ысык-Көлдүн биологиялык ар түрдүүлүгүн сактоого жана экологиялык коопсуздукту камсыздоого багытталган.
Ошондой эле браконьерчиликке каршы күрөштү күчөтүү максатында Ысык-Көл облустук ички иштер башкармалыгынын курамында атчан взвод түзүлгөнү маалымдалды.
