Бишкектин бир катар аймактарында 9-июлда ичүүчү суу өчүрүлөт
9-июлда саат 09:00дөн 03:00гө чейин Бишкектин бир катар турак жайларында, социалдык объектилеринде жана ишканаларында ичүүчү суу берүү убактылуу токтотулат. Бул тууралуу мэриядан билдиришти.
Суу берүү Д=500 мм болгон эки шаардык суу түтүгүндө авариялык-калыбына келтирүү иштеринин жүргүзүлүшүнө байланыштуу токтотулат.
Өчүрүлө турган аймактар: Алма-Ата көчөсү, "Чыгыш-5" кичи району, Абдрахманов көчөсү, Элебесов көчөсүнөн Аул көчөсүнө чейин, Алма-Ата көчөсү, ЧЧК, Бакай-Ата көчөсү, Лебединовка айылы - Киров көчөсү боюнча ЧЧКдан Калинин көчөсүнө чейин, Луганская көчөсү, Лермонтов көчөсү, Ж. Баатыр көчөсү, "Мадина" базары, Алма-Ата көчөсү.
"Бишкексууканал" муниципалдык ишканасы шаар тургундарын жана уюмдарды алдын ала ичүүчү суу камдап алууга чакырат.
Ошондой эле мекеме тургундарга пландуу жана авариялык суу өчүрүүлөр тууралуу ыкчам маалымат алып туруу үчүн "Менин шаарым" мобилдик тиркемесин жүктөп алууну сунуштады.
