Кыргызстанда жол кырсыгынан жабыркагандар көбөйүүдө
2025-жылы Кыргызстанда ар кандай жаракат менен стационардык дарылануудан өткөн 5 012 чоң киши жана өспүрүмдөрдүн 1 280и же 25,5%ы жол-транспорт кырсыктарынан жабыркаган. Саламаттык сактоо министрлигинин маалыматына караганда, 2026-жылдын биринчи кварталында дагы 255 адам жол кырсыгынан кийин ооруканада дарыланууга мажбур болгон.
Айрыкча, жаш балдардын жол кырсыгынан жабыркашы да кооптондурууда. 2025-жылы шаардык балдар тез медициналык жардам клиникалык ооруканасынын травмпунктуна жол кырсыгынан кийин 1 866 бала кайрылып, алардын 443ү стационарга жаткырылган. Ал эми 2026-жылдын биринчи жарым жылдыгында медициналык жардам алуу үчүн 1 057 бала кайрылып, 287си ооруканада дарыланууга муктаж болгон.
Саламаттык сактоо министрлиги жол кырсыгынан жабыркагандарды дарылоо, бейтаптардын калыбына келүүсү көп учурда айларга, кээде жылдарга чейин созула тургандыгын билдиришүүдө.
Ушундан улам министрлик айдоочуларды жана жөө жүргүнчүлөрдү жол кыймылынын эрежелерин так сактоого чакырып, белгиленген ылдамдыкты ашпоону, коопсуздук курун тагынууну, мотоцикл айдоодо коргоочу шлем колдонууну, мас абалында унаа башкарбоону жана балдардын коопсуздугуна өзгөчө көңүл бурууну эскертүүдө.
