"Түндүк" тиркемесинде баланын төрөлүшүн онлайн каттоо кызматы ишке кирди
"Түндүк" ачык акционердик коому баланын төрөлүшүн каттоо боюнча жаңы санариптик кызматты ишке киргизди. Бул тууралуу "Түндүк" ачык акционердик коомунан билдиришти.
Компаниянын маалыматына ылайык, эми ата да, эне да баланын төрөлүшүн каттоо боюнча арызды түз эле "Түндүк" мобилдик тиркемеси аркылуу бере алышат.
Жаңы кызматтын алкагында колдонуучулар:
- баланын төрөлүшүн каттоо боюнча арыз бере алышат;
- арыздын кароо статусун көзөмөлдөй алышат;
- төрөлүү тууралуу күбөлүктү электрондук форматта ала алышат.
Белгиленгендей, жаңы санариптик кызмат жарандардын убактысын үнөмдөөгө жана мамлекеттик кызматтарды алууну жеңилдетүүгө багытталган.
