Жыл башынан бери 11 миңге жакын адам чет өлкөдө жумушка орношту
Жыл башынан бери 10,7 миңден ашуун кыргызстандык жеке ишке орноштуруу агенттиктеринин көмөгү менен чет өлкөдө жумушка орношту.
Эмгек, социалдык камсыздоо жана миграция министрлигинин маалыматына караганда, Жарандарды чет өлкөдө ишке орноштуруу борбору жарандарды коопсуз, мыйзамдуу жана уюшкан түрдө чет өлкөгө ишке орноштурууну камсыздоону улантууда.
Жыл башынан бери:
10 785 жаран чет өлкөдө жумушка орношту;
алардын 5 484ү – аялдар;
жумушка орноштуруу 27 өлкөдө жүргүзүлдү;
учурда 143 лицензияланган жеке ишке орноштуруу агенттиги иш алып барууда.
Эң көп жарандар Түркияга, ошондой эле Улуу Британияга, Болгарияга жана Германияга жумушка жөнөтүлгөн.
Эмгек, социалдык камсыздоо жана миграция министрлигичет өлкөгө ишке орношууда расмий уруксаты бар жеке ишке орноштуруу агенттиктерине гана кайрылууну өтүнөт
