Бишкекте тургундардын арызынан кийин мончонун иши убактылуу токтотулду
Бишкектин Калыс-Ордо конушунун тургундарынан аймактагы мончонун ишмердүүлүгүнө байланыштуу арыз түшүп, Экологиялык жана техникалык көзөмөл кызматы текшерүү иштерин жүргүздү.
Жаратылыш ресурстары, экология жана техникалык көзөмөл министрлигинен билдиришкендей, мончонун тиешелүү уруксат берүүчү документтери жок иштеп жатканы аныкталды.
Натыйжада объекттин ээси бардык зарыл документтерди алганга чейин ишмердүүлүгүн убактылуу токтотту.
Мындан тышкары, Аламүдүн районунун Ленин айылында таштандыны мыйзамсыз өрттөө фактысы катталды. Бул аракет атмосфералык абанын булганышына алып келгендиктен, мыйзам талаптарына ылайык административдик айып салынды.
