94 миң сомдук “кайрымдуулук” жасаган автоуурулукка шектүү жаран кармалды

94 миң сомдук “кайрымдуулук” жасаган автоуурулукка шектүү жаран кармалды

Ош шаарында жүк салынган “Мерседес-Бенц Спринтер” үлгүсүндөгү унааны айдап кеткен жаран кармалды. Бул тууралуу Ош шаардык ички иштер башкармалыгынан маалымдашты.

Маалыматка караганда, окуя 9-июлдан 10-июлга караган түнү болгон. Шектүү үйдүн короосунда токтоп турган, эшиги ачык жана ачкычы ичинде калган унааны айдап качып кеткен.

Окуя боюнча укук коргоо органына арыз түшөөрү менен Ош шаарынын аймагына атайын "Перехват" операциясы киргизилип, автоунааны табышкан. Анын натыйжасында кылмышка шектүү катары Н. М. аттуу жаран кармалып, мас абалында автоунаанын ачык турган эшигинен жана ачкычтын бар экендигинен пайдаланып, айдап кеткендигин билдирген.

Маалыматка ылайык, унаанын жүк бөлүгүндө жалпы баасы 94 миң сомдук токочтор бар болгон. Аны шектүү көчөдө бара жаткан элге "кайрымдуулук" иретинде таратып берип жиберген. Андан соң, автоунааны Ош облусунун Ноокат районундагы Көк-Жар айылынын көчөсүнө таштап кеткен.

Аталган факты боюнча тиешелүү материалдар катталып, мыйзам чегинде тергөө амалдары жүргүзүлүүдө.

Айрым маалымат булактары бул окуянын өзгөчөлүгүнө байланыштуу, өзүнө таандык эмес унааны айдап кетип, анын ичиндеги азыктарды элге бекер таратып жиберген шектүүнү - “Ош шаарынын Робин Гуду” деп тамаша иретинде атап жатышат.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

Тоскоол-Ата токой чарбасында 100 гектар жер тосулат

Быйыл 4 коллекциялык тыйын чыкты

Жыгач экспортуна тыюу салууну узартуу сунушталды

Баткенде ооруканалардын көмүрү 92%, мектеп-бала бакчалардын 74% жеткирилди

Бишкекте энергетика тармагындагы инвестициялык кызматташтык талкууланды