Садыр Жапаров Кореяга расмий сапар менен барат
Президент Садыр Жапаров Корея Республикасынын президенти Ли Чжэ Мёндун чакыруусу менен 15–18-сентябрь күндөрү Кореяга расмий сапар менен барат. Бул тууралуу президенттин администрациясы билдирди.
Сапардын негизги иш-чараларынын бири - "Борбордук Азия - Корея" биринчи саммитине катышуу. Саммиттин жыйынтыгында Сеул декларациясын кабыл алуу пландалууда.
Мындан тышкары, мамлекет башчысы Кореянын жогорку жетекчилиги менен эки тараптуу сүйлөшүүлөрдү өткөрөт. Анда Кыргызстан менен Кореянын ортосундагы кызматташтыкты мындан ары өнүктүрүү маселелери талкууланат.
Расмий сапардын жыйынтыгында экономикалык, инвестициялык, бажы жана башка тармактардагы кызматташтыкты бекемдөөгө багытталган эки тараптуу документтердин топтомун кабыл алуу каралган.
