Соцфонд пенсиялык топтоо каражаттарынан 7,2 млрд сом төлөдү
Расмий түрдө жумушсуз деп таанылган жарандар пенсиялык топтоо каражаттарын ала алышат. Бул учурда эмгекке жарамдуу курактагы калктын жашоо минимумунун өлчөмү эске алынат. Бул тууралуу Социалдык фонд билдирди.
Маалыматка караганда, 2026-жылдын 1-сентябрына карата Мамлекеттик топтомо пенсиялык фонддон жалпы 246 миң 866 жаранга 7 млрд 208,5 млн сом төлөнгөн. Анын ичинен пенсия курагына жеткен 213 миң 979 адамга 3 млрд 568 млн сом берилген.
Мындан тышкары, чет өлкөгө туруктуу жашоого кеткен 4 миң 713 адамга 272,1 млн сом, каза болгон камсыздандырылган жарандардын 13 миң 241 мураскоруна 433,7 млн сом төлөнгөн. Ошондой эле турак жай шарттарын жакшыртууга, оор ооруларды дарылоого жана башка белгиленген багыттарга пенсиялык топтоо каражаттары берилүүдө.
Оор оорулары бар 1 миң 46 жаранга 170 млн сом, ал эми расмий катталган 544 жумушсузга 8,3 млн сом төлөнгөн. Социалдык фонд жарандарды ар кандай шарттарда колдоо максатында пенсиялык топтоо каражаттарын пайдалануу мүмкүнчүлүктөрүн кеңейтүү боюнча иштер жүргүзүлүп жатканын белгиледи.
