Ата-энелер медициналык маалымкаттарды эми электрондук түрдө бере алат
Балдар үчүн 095/у жана 026/у формасындагы медициналык маалымкаттар электрондук форматка өтүүдө. Бул тууралуу Агартуу министрлиги кабарлады.
Маалыматка ылайык, эми аларды "Түндүк" тиркемеси аркылуу мектеп жана бала бакчага берсе болот.
095/у формасы - сабактан бошотулгандыгы тууралуу маалымкат. 24-августтан тартып ал болгону электрондук түрдө гана берилет. Мектептер кагаз түрүн талап кыла албайт.
026/у формасы - баланын ден соолугу тууралуу документ. Ал 2027-жылдын 1-январына чейин кагаз жана электрондук түрдө да бериле берет. Электрондук формасы бар болсо, кагазын талап кылуунун кереги жок.
