Кыргызстан менен Корея интеллектуалдык менчик боюнча биргелешкен долбоорлорду өнүктүрөт

Кыргызстан менен Корея интеллектуалдык менчик боюнча биргелешкен долбоорлорду өнүктүрөт

Кыргызстан менен Корея Республикасы интеллектуалдык менчик жаатында биргелешкен долбоорлорду өнүктүрүүгө макулдашты. Бул тууралуу Илим, жогорку билим берүү жана инновациялар министрлиги кабарлады.

Маалыматка ылайык, Сеул шаарында Илим министри Гульзат Исаматова менен Кореянын Интеллектуалдык менчик министри Ким Ён Сон жолугушту. Жолугушуу июль айында Женевада өткөн Интеллектуалдык менчиктин бүткүл дүйнөлүк уюмунун Ассамблеясында жетишилген макулдашуунун уландысы болду.

Тараптар улуттук системаны санариптештирүү, электрондук кызматтарды өнүктүрүү, патенттик маалыматтарды башкаруу жана жасалма интеллектти колдонуу маселелерин талкуулашты.

Гульзат Исаматова корей тарапка 7-11-сентябрь күндөрү кыргыз адистери үчүн уюштурулган окуу программасы үчүн ыраазычылык билдирди. Анда кыргызстандык адистер Кореянын санариптештирүү жана заманбап технологияларды колдонуу тажрыйбасы менен таанышкан.

Ошондой эле университеттерде интеллектуалдык менчикти коммерциялаштыруу жана IP Sharing Projects программасы боюнча биргелешкен демилгелерге өзгөчө көңүл бурулду.

Жолугушууда эки министрлик ортосунда комплекстүү кызматташуу боюнча кол коюлган Меморандумдун нускалары менен алмашуу болду. Кыргыз тарап аны ишке ашыруу үчүн биргелешкен иш-аракеттер планын иштеп чыгууну сунуштады.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

2050-жылга карата Борбор Азиянын мөңгүлөрү 60–80 пайызга чейин кыскарышы мүмкүн

Нарында сел коркунучун алдын алууга 11 млн сом жумшалды

Бул күндөрү Бишкек акыр-чикирден тазаланмакчы

Өлкөдө 10 айда курулуш тармагы 61,5 %га өстү

Быйыл өлкөдө 742,5 миң тонна буудай жыйналды