Ош шаарынын күнүнө карата ат чабышта баш байгеге 2 автоунаа коюлду

5-октябрда Ош шаарынын күнүнө карата "Төлөйкөн" ат майданында Ош шаарынын мэринин кубогу өтөт. Бул тууралуу мэриядан билдиришти.

Маалыматка ылайык, ат чабышта баш байгеге 2 автоунаа коюлду. Жарышта 3 аралык боюнча күч сынашат:

• Батакур чабыш – 6 000 метр:

1-орунга 50 000 сом, 2-орунга 30 000 сом, 3-орунга 10 000 сом;

• Кунан чабыш – 12 000 метр:

1-орунга автоунаа, 2-орунга 100 000 сом, 3-орунга 50 000 сом;

• Аламан чабыш – 25 000 метр:

1-орунга автоунаа, 2-орунга 150 000 сом, 3-орунга 80 000 сом.

Мындан тышкары, 2-октябрдан 5-октябрга чейин Ош облусунун райондор аралык көк бөрү оюндары болот.Мэрия бардык тургундарды жана конокторду чоң майрамга күбө болууга чакырат.