Социалдык долбоорлорго бөлүнгөн 3,7 млн сом максатсыз пайдаланылганы аныкталды
Мамлекеттик социалдык заказды ишке ашырууда мыйзам бузуулар аныкталды. Бул тууралуу Башкы прокуратура билдирди.
Маалыматка ылайык, 2022-2023-жылдары Эмгек министрлиги жалпы 3 млн 737 миң 313 сомго 6 келишим түзгөн. Текшерүүдө жооптуу кызматкерлер бюджеттик каражатты өздөштүрүп, отчетко жалган маалымат киргизип, көзөмөл жүргүзбөгөнү аныкталган.
Натыйжада ден соолугунун мүмкүнчүлүгү чектелген жарандарды, карыларды жана турмуштук оор кырдаалдагы үй-бүлөлөрдү колдоого багытталган акча максатсыз кеткен.
Факты боюнча Кылмыш-жаза кодексинин 379, 210 жана 348-беренелери менен 2 кылмыш иши козголуп, тергөө жүрүп жатат.
