"Ала-Арчада" от жаккан 2 жаранга 15 миң сом айып салынды
Экологиялык жана техникалык көзөмөл кызматынын Бишкек жана Аламүдүн району боюнча башкармалыгы "Ала-Арча" жаратылыш паркынын Кайың токойу аймагында рейд өткөрдү. Бул тууралуу Жаратылыш ресуртары министрлиги билдирди.
Маалымдалгандай, рейд токойлорду өрттөн коргоо максатында уюштурулган. Текшерүүдө токойдо от жагууга тыюу салынганына карабастан, от жаккан жарандар аныкталды.
Аларга карата 2 протокол түзүлүп, ар бирине 7 500 сомдон, жалпы 15 000 сом айып пул салынды.
Ошондой эле жарандарга өрт коопсуздугу боюнча түшүндүрүү иштери жүргүзүлдү.
