"Локомотив" комплексинде муз тебүүчү аянтча ачылды
Бүгүн, 6-октябрда "Локомотив" спорттук-ден соолукту чыңдоо комплексинде муз тебүүчү аянтчасы ачылды. Бул тууралуу Кыргыз темир жолу мамлекеттик ишканасынан билдиришет.
Жаңы сезондун ачылышы менен "Локомотив" спорттук-ден соолукту чыңдоо комплекси балдарды, чоңдорду активдүү эс алууга чакырат. Бул жерде көркөм муз тебүү, хоккей, футбол, бий жана башка багыттар боюнча секциялар иштейт.
Жалпы аянты 1122 чарчы метр болгон муз аянтчасында бир убакта 150 адам боло алат. Көрүүчүлөр үчүн 850дөн ашык орун каралган.
Иштөө убактысы: Муз тебүүчү жай күн сайын саат 10:00дөн 24:00гө чейин ачык.
Баалары: 14 жашка чейинки балдар үчүн: 1 саатка 380 сом (коньки ижарасы кошулган). Чоңдор үчүн: 1 саатка 500 сом (коньки ижарасы кошулган).
Билеттерди муз тебүүчү жайдын кире беришиндеги кассадан сатып алууга болот.
