Министр Токтобаев Таласта "Беш-Таштын" абалы менен таанышты
Жаратылыш ресурстары, экология жана техникалык көзөмөл министри Акыл Токтобаев Таластагы "Беш-Таш" мамлекеттик жаратылыш паркына барды.
Мекеменин маалыматында белгиленгендей, министр анда жаратылыш аймактарын коргоо, биологиялык ар түрдүүлүктү сактоо жана жапайы жаныбарлардын популяциясын көбөйтүү багытында жүргүзүлүп жаткан иштерге көңүл бурду.
Белгилей кетсек, "Беш-Таш" мамлекеттик жаратылыш паркы 1996-жылы уюшулган. Парктын жалпы аянты 12 802 гектарды түзөт.
Анын аймагында арча, карагай, ак карагай, кайың, жапалак арча, Талас тереги жана өсүмдүктөрдүн башка түрлөрү кездешет.
Ошондой эле паркта аюу, ак илбирс, сүлөөсүн, карышкыр, түлкү, коён, марал, тоо теке, улар, чил жана башка жапайы жаныбарлар байырлайт.
Алардын арасында өлкөнүн Кызыл китебине киргизилген сейрек кездешүүчү жаныбарлар менен өсүмдүктөр да бар.
Күндүн негизги жаңылыктары — Telegram каналыбызда
Каналга катталуу
