М. Ауэзов көчөсүндө унаа кыймылына убактылуу чектөө киргизилди

Бишкек шаарында жол куруу тармагындагы жаңы эксперименталдык технологияны сыноого байланыштуу Мухтар Ауэзов көчөсүнүн бир бөлүгүндө унаа кыймылына убактылуу чектөө киргизилди.

Мэриянын басма сөз кызматынын маалыматына ылайык, чектөө 2026-жылдын 5-ноябрында саат 08:00дөн 8-ноябрда саат 20:00гө чейин күчүндө болот. Тагыраагы, Чүй проспектисинен Сагынбай Манасчы көчөсүнө чейинки тилкеде унаалардын жүрүүсүнө уруксат берилбейт.

Ушуга байланыштуу Бишкек мэриясы айдоочуларды каттамдарын алдын ала пландап, мүмкүнчүлүккө жараша альтернативдүү жолдорду тандоону сунуштайт.