Баткенде 2 миңдей тургун таза суу менен камсыз болду
Кадамжай районунун Молдо-Нияз айыл өкмөтүнө караштуу Совет айылында 2 миңге жакын тургун таза суу менен камсыз болду. Бул тууралуу бүгүн Суу чарба министрлигинен билдирди.
Маалым болгондой, аймактагы ичүүчү суу системасын куруу иштери "Климаттын өзгөрүүсүнө туруктуу суу чарба кызматтарын жакшыртуу" долбоорунун алкагында ишке ашырылды.
Бул өз кезегинде аймактагы санитардык-гигиеналык абалды жакшыртып, жугуштуу оорулардын алдын алууга да олуттуу салым кошот.
Ичүүчү суу менен камсыздоону жана саркынды сууларды чыгарууну өнүктүрүү департаменти тарабынан суу системасын түзүү максатында республика боюнча иштер алып барылууда.
Күндүн негизги жаңылыктары — Telegram каналыбызда
Каналга катталуу
