Котловандан батирлерин жарнамалаган компаниянын иши токтотулду
Курулуш министрлигине караштуу Мамлекеттик архитектура-курулуш контролдоо департаменти тарабынан Бишкек шаарындагы Садыгалиев көчөсү 3 жана 3/2 даректеринде салынып жаткан курулуш объектисинде министрдин буйругунун аткарылышы боюнча ыкчам текшерүү жүргүзүлдү.
Текшерүүнүн жүрүшүндө аталган объект 2026-жылдын август айында Мамлекеттик бирдиктүү курулуш реестрине катталганы аныкталды.
Министрликтин маалыматына ылайык, объект 16-23 кабаттуу 2, 3, 5 жана 6 блоктон турат.
Белгилей кетсек, буга чейин Курулуш министри Нурдан Орунтаевдин буйругуна ылайык, курулуштун "нөл цикли" аяктаганга чейин турак жана турак эмес жайларды сатууга, ошондой эле объектилерди жарнамалоого тыюу салынары тууралуу курулуш компанияларга эскертүүлөр берилип, тиешелүү билдирүүлөр жөнөтүлгөн.
Тактап айтканда, компаниянын уруксат берүүчү документтери жокко чыгарылып, лицензиясынан ажыратылды. Ошондой эле объекттеги курулуш иштери толугу менен токтотулду.
