Бишкекте №36 автобус каттамы өз алдынча 2 каттамга бөлүндү

Бишкек шаарында жүргүнчүлөрдү ташууну уюштурууну жакшыртуу максатында №36 автобус каттамы оптималдаштырылды.

Мэриянын маалыматына ылайык, 12-ноябрдан тарта мурда жарым айланма схема боюнча каттап келген №36 автобус каттамы эки өз алдынча багытка: №36 жана №39 бөлүнөт.

Бул өзгөртүү шаардык каттамдар тармагын өнүктүрүүгө, жүргүнчүлөр үчүн ыңгайлуулукту жогорулатууга жана коомдук транспорттун туруктуу иштешин камсыз кылууга багытталган.