Журналисттер Тенгиз Бөлтүрүктүн Канададагы 725 миң долларлык үйүн табышты — сүрөт
2021-жылы "Кумтөр Голд Компани" ЖАКтын убактылуу тышкы менеджери Тенгиз Бөлтүрүк 725 миң доллар өлчөмүндө ипотека алган. Үй Канаданын Оквилл шаарында жайгашканын Kaktus.media укук коргоо органдарынын өкүлдөрүнө шилтеме берүү менен билдирди.
Аталган басылма карамагында Теңиз Бөлтүрүк жана анын жубайы Ильмира Алпысбаеванын атына белгиленген пайыздык үстөк менен 25 жылга (301 ай) ипотекалык насыяны узартуу келишиминин көчүрмөсү бар экенин тастыктады. 2022-жылдын 17-октябрына карата 725 миң доллардын 688 миң 689 доллары калган.
Келишимде көрсөтүлгөн үйдүн дареги 2322 Woodridge Way, Oakville, ON L6H 6S3 боюнча катталган. google.com/maps дарегине киргенде Бөлтүрүктүн Канададагы үйү көрүнөт. Сайттардын биринде үйдүн интерьеринин сүрөттөрү да бар.
Редакция ошондой эле насыянын мөөнөтүн узартуу боюнча келишим түзүлгөн учурда Канаданын жарандыгын алган Тенгиз Бөлтүрүк "Кумтөр Голд Компани" ишканасынын коррупциялык схемасы боюнча 1 млрд сомго жакын зыян келтирген деген айып менен УКМКнын СИЗОсунда же ооруканада болгонун белгилеген.
Назира Абдиева
