Бишкек шаарын тегерете курчаган айланма жол курулат
Бишкек шаарын айланта курчаган айланма жол курулары пландалып жатканын шаар мэри Айбек Жунушалиев АКИpress маалымат агенттигине билдирди.
“Чыгыш жана түштүк айланма жолдору келечекте бир айланма системасын, башкача айтканда, сырткы, ортоңку жана ички айланма жолун түзүш керек. Ошондо гана жолдор ачылат. 10-октябрга жакын биз Калинин көчөсүн ачабыз, андан соң Ауэзов көчөсүнө өтөбүз. Ошону менен аны чыгыш айланма жолу катары түштүк тарабынан туюктайбыз”,-дейт калаа башчысы.
Эске салсак, буга чейин Шаардык транспорт жана жол-транспорт инфраструктураларын өнүктүрүү департаментинин орун басары Абдыжапаркул Жанболотов транзиттик унааларды шаартын сыртындагы жолдорго чыгаруу пландалып жатканын айткан.
