Транспорт

"Газпром" Борбор Азияга газ жеткирүүнү 2030-жылга чейин эки эсе көбөйтөт

Ишкер Media

22 дек. 2025 19:37

Алдыдагы беш жыл ичинде "Газпромдун" Борбор Азия өлкөлөрүнө газ жеткирүүсү эки эседен ашык көбөйөт. Компания буга чейин Европа рыногуна багытталган көлөмдөрдү кайсы тарапка багыттоо керектигин издеп жатканын "Ведомости" басылмасы "Газпромбанктын" экономикалык божомолдоо борборунун маалыматына таянып жазды.

Маалыматка ылайык, газ жеткирүүнүн көлөмү 19–20 миллиард метр кубга жетет деп божомолдонууда.

Такталгандай, 2030-жылга чейин "Газпромдун" Өзбекстанга, Казакстанга жана Кыргызстанга болгон экспорту 2,1–2,2 эсеге чейин өсүшү мүмкүн. Негизги өсүштү Өзбекстан камсыз кылат деп күтүлүүдө: бул өлкөдө газдын импорту 3 миллиард метр кубдан 12 миллиард метр кубга чейин көбөйөт. Анткени өлкөдө газ өндүрүшү азайып жатат.

Казакстанга газ жеткирүү маселеси кандай өнүгө турганы азырынча белгисиз. Кытай тараптан күмөн саноолор болгонуна карабастан, Астана Россиядан Кытайга Казакстан аркылуу өтө турган газ кууру долбоору ишке ашат деп үмүттөнүүдө. Бул долбоор өлкөнүн түндүк-чыгыш аймактарын газдаштырууга мүмкүндүк берип, жаңы газ кууру жылына кошумча 10 миллиард метр куб газды камсыз кылат деп пландалууда.

Эске салсак, санкциялар жана кайталанма санкциялардан улам "Газпром" Европага экспортту болжол менен беш эсеге кыскарткан. Ошол эле учурда, компания "Сибирь күчү — 2" газ кууру ишке кирсе да бардык көлөмдөрдү Кытайга толук багыттай албайт.

Мындан тышкары окуңуз

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”