Нарын шаарындагы ири көпүрөнү оңдоо иштери башталды
Жаңы-Жол – Нарын айланма жолунун 0,4 чакырымындагы, башкача айтканда Нарын шаарына кире бериштеги чоң көпүрөнүн деформациялык шофторун оңдоо иштери башталды.
Транспорт министрлигинин маалыматына караганда, ушу тапта №41 жол тейлөө ишканасы тарабынан жолдогу аң-чөнөктөр жамоо жумуштары аткарылууда.
Жакынкы күндөрү тийиштүү адистер көпүрөнү толук коопсуз абалга келтирүү үчүн жалпы сметасын даярдап, талапка ылайык технологиялар менен иштер аткарылат.
