Темир жол куруу алкагында 214 үй буздурулат
Кыргызстан – Кытай – Өзбекстан темир жолун куруунун алкагында 214 үй сүрдүрлөт. Бул тууралуу транспорт министринин орун басары Алмаз Тургунбаев парламенттин жыйынында билдирди.
А.Тургунбаев 191 үй Жалал-Абад облусунун Сузак районунда, калганы Нарын облусунда жайгашканын айтты.
Министрдин орун басары үйлөрү түрттүрүлө турган жарандарга компенсация төлөп берилерин белгиледи.
Кыргызстан — Кытай — Өзбекстан темир жолунун жалпы узундугу болжол менен 530 чакырымдан ашат, анын ичинен 304 чакырымга жакыны Кыргызстандын аймагынан өтөт.
