Түндүк – Түштүк альтернативдик жолу убактылуу ачылат
Стратегиялык мааниге ээ болгон Түндүк – Түштүк альтернативдик унаа жолу жакынкы күндөрү убактылуу ачылат. Бул тууралуу Транспорт жана коммуникациялар министрлигинин маалымат кызматы билдирди.
Маалыматка ылайык, учурда сезондук каттамды ачууга байланыштуу даярдык иштери жана коопсуздукту камсыздоо боюнча кошумча чаралар жүргүзүлүүдө.
Аталган унаа жолу жыл сайын июнь айынан ноябрь айына чейин пайдаланууга берилет.
Министрлик айдоочуларды жолдо этият болууга, ылдамдыкты ашырбоого жана жол кыймылынын эрежелерин так сактоого чакырды.
