Ала-Бука – Жаңы-Базар – Кировка жолунун 80 чакырымына асфальт төшөлдү
Ала-Бука жана Чаткал райондорун байланыштырган стратегиялык маанидеги Ала-Бука – Жаңы-Базар – Кировка унаа жолунун курулушу уланууда. Бул тууралуу Транспорт жана коммуникациялар министрлигинен билдиришти.
Учурда жолдун 80 чакырымына асфальт төшөлүп бүттү. Калган 20 чакырым тилкеде асфальттоо иштери жүрүп жатат.
Маалыматка ылайык, 0–64 жана 79–100-чакырымдар аралыгында асфальттын биринчи катмары төшөлгөн. Ал эми 0–48 жана 91–100-чакырымдарында экинчи катмарын төшөө иштери аяктады.
Азыркы тапта Чапчыма ашуусунун айланасындагы 64–79-чакырымдарда жер жумуштары жана жолдун негизин даярдоо иштери жүргүзүлүүдө. Ошондой эле 48–64-чакырымдар аралыгында асфальттын экинчи катмары төшөлүп жатат.
Долбоор толугу менен мамлекеттик бюджеттин эсебинен каржыланууда. III техникалык категориядагы жол эки тилкелүү болуп, оор жүк ташуучу унаалардын өтүүсүнө ылайыкталып курулууда.
