Бишкекте коомдук траспорт үчүн атайын тилкелер чийилет
Бишкекте коомдук транспорт үчүн атайын тилкелерди чийүү улантылат. Бул тууралуу Бишкек шаарынын вице-мэри Рамиз Алиев билдирди.
Рамиз Алиевдин айтымында, Бишкек шаардык мэриясынын жол мсаелелери боюнча штабында Бишкек мэриясынынын концепциясынын негизинде коомдук транспортко артыкчылык берүү чечими кабыл алынган.
"Мындай чечим айдоочулар үчүн бир аз ыңгайсыздыктарды жаратат, бирок биз түшүнүшүбүз керек, коомдук транспорт жыл сайын 220 миллион адамды ташыйт. Бул олуттуу сан. Андыктан коомдук транспортко артыкчылык берилиши керек – атайын тилкелер болушу керек", – деди ал.
Анын айтымында, коомдук транспорт менен жүргөн шаар тургундары тыгында турбашы керек. "Алар убакытты үнөмдөп, белгилүү бир артыкчылыктарга ээ болушу керек. Биз жеке унаа коомдук транспортко караганда ыңгайлуураак экенин түшүнүшүбүз керек", - деп кошумчалады Алиев.
Мэрия коомдук транспортко артыкчылык берүү саясатын улантаарын белгиледи. Атайын тилкелер үчүн Абдархманов – Байтик Баатыр көчөсү, Жибек Жолу проспектиси, Курманжан Датка – 7-апрель жана Ахунбаев көчөлөрү аныкталды.
"Ошол эле маалда биз атайын унаалардын трассага чыгуусуна уруксат берүүнү чечтик. Атайын унаалар муниципалдык унаалар. Ошондой эле таксилерге бөлүнгөн тилкелерди колдонууга уруксат берүү боюнча башка өлкөлөрдүн тажрыйбасын колдонууну карайбыз. Бул дагы эл аралык мыкты тажрыйба. Муну кийинки жыйында карап чыгышыбыз керек", - деди вице-мэр.
Буга чейин атайын бөлүнгөн тилке Ахунбаев көчөсүнө чийилген.
