Бүгүндөн тарта Түндүк –Түштүк жолу ачык болот
1-июндан тарта Түндүк – Түштүк альтернативдик унаа жолу транспорт кыймылы үчүн убактылуу ачылды.
Транспорт жана коммуникациялар министрлигинин маалыматына ылайык, жарандардын кайрылуулары эске алынып, жол быйыл ноябрь айына чейин пайдаланууга берилет.
Ошол эле учурда жооптуу кызматтар айрым тилкелерде таш кулоо коркунучу сакталып жатканын эскертип, айдоочуларды этият болууга чакырышты.
Ноябрь айынан тарта жол кайрадан жабылып, коопсуздук максатында 2027-жылдын май айына чейин пайдаланууга берилбейт.
Эске салсак, айдоочулардын коопсуздугу үчүн унаалардын өтүүсүнө таңкы саат 06:00дөн 20:00гө чейин уруксат берилди.
