Кызыл-Булак – Тамаша жолун сел алып кетти
Ош – Баткен – Раззаков унаа жолунун 120-121- чакырым аралыгында нөшөрлөгөн жаандын кесепетинен жолго түшкөн таштар жана сел калдыктары өз убагында тазаланды. Каттам эки тараптуу ачык.
Транспорт жана коммуникациялар министрлигинин маалымат кызматынын айтымына караганда, Кызыл-Булак – Тамаша автожолунун 0-чакырымында 200 метр аралыктагы жолду сел алып кеткен.
Учурда жеринде министрликтин №46 Жол тейлөө ишканасынын атайын техникалары тартылып, селдин кесепеттерин жоюу иштерин ыкчам жүргүзүүдө.
Альтернативдик жол ачылып, жүргүнчүлөр үчүн каттам бар.
