Васильевский тракт көчөсүн оңдоп-түзөө иштеринин үчүнчү этабы башталат
Бишкек шаарынын жол-транспорттук инфратүзүмүн жаңылоонун алкагында Васильевский тракт көчөсүн этап-этабы менен оңдоо иштери уланууда. Бул тууралуу Бишкек шаардык мэриясынын маалымат кызматы билдирди.
Маалыматка ылайык, оңдоо иштеринин биринчи этабы 2026-жылдын 23-26-июнунда ийгиликтүү аяктап, жалпы узундугу 8 чакырымды түзгөн жол тилкеси жасалды. Экинчи этап 2026-жылдын 27-июнунан 4-июлуна чейин жүргүзүлүп, Фучик көчөсүнөн “Манас” эл аралык аба майданына чейинки жол тилкесин камтыды.
Эми 5-июлдан тартып оңдоо иштеринин үчүнчү этабы башталат. Бул этапта Комсомол көчөсүнөн Чоң Чүй каналына чейинки жалпы узундугу 7 чакырым болгон тилкеде иштер жүргүзүлөт.
Жол кыймылынын катышуучулары үчүн жаралуучу ыңгайсыздыктарды азайтуу максатында көчө толугу менен жабылбайт. Оңдоо иштери жүрүп жаткан мезгилде эки багыттагы автоунаа кыймылы жолдун бир тарабы аркылуу уюштурулат.
Бишкек шаарынын мэриясы шаар тургундарын жана борбор калаанын конокторун убактылуу киргизилген чектөөлөргө түшүнүү менен мамиле кылууга, жол белгилеринин талаптарын жана жөнгө салуучулардын көрсөтмөлөрүн так сактоого, ошондой эле жүрүү багытын алдын ала пландап алууга чакырат.
