Чапаев – Кегети – Арпа-Тектир жолундагы сапатсыз асфальт кайра төшөлүүдө
Чүй облусундагы Чапаев - Кегети - Арпа-Тектир унаа жолунун 3,2 чакырым тилкесинде асфальт төшөө иштеринде мыйзам бузуу аныкталды. Бул тууралуу Курулуш министрлиги билдирди.
Маалыматка караганда, министрликке караштуу Мамлекеттик архитектура-курулуш контролдоо департаментинин текшерүүсүндө жол иштери курулуш ченемдерине жана техникалык талаптарга жооп бербегени белгилүү болгон.
Жыйынтыгында подряддык уюм - "Дол Нур ЛТД" ЖЧКсына 200 миң сом айып салынып, кемчиликтерди жоюу боюнча көрсөтмө берилген.
Учурда талапка жооп бербеген асфальт катмары сыйрылып, жол кайрадан технологиялык талаптарга ылайык төшөлүүдө.
Күндүн негизги жаңылыктары — Telegram каналыбызда
Каналга катталуу