25-июлда Бишкек – Балыкчы багыты боюнча кечки поезд каттамы жүрбөйт
25-июлда пландаштырылган ички иш-чараларга байланыштуу Балыкчы пляж – Бишкек багыты боюнча кечки поезд каттамы убактылуу токтотулат. Бул тууралуу “Кыргыз темир жолу” ишканасынан билдиришти.
25-июлда Бишкек – Балыкчы пляж багыты боюнча эртең мененки поезд белгиленген графикке ылайык каттайт. Ал эми Балыкчы пляж – Бишкек багыты боюнча кечки поезд каттабайт.
26-июлдан тартып поезддердин кыймылы кайрадан бекитилген графикке ылайык кадимки тартипте жүргүзүлөт.
“Кыргыз темир жолу” ишканасы убактылуу жаралган ыңгайсыздыктар үчүн кечирим сурайт жана түшүнүү менен кабыл алууну өтүнөт.
