Нарын – Оруктам жолуна асфальт төшөлүүдө
Нарын облусунда жол инфраструктурасын жакшыртуу максатындагы иштер уланууда. Бул тууралуу Транспорт жана коммуникациялар министрлигинин мааалымат кызматы билдирди.
2026-жылга карата титулдук тизмеге ылайык, Нарын – Оруктам унаа жолунун 9,5 – 15-чакырым аралыгындагы 5,5 чакырым тилкеге асфальт-бетон төшөө каралган.
Учурда №8 Жол эксплуатациялоо мекемеси тарабынан курулуш иштери бекитилген графикке ылайык кызуу уланып, асфальт-бетон аралашмасы төшөлүүдө.
Жол куруу жана оңдоо иштери аймактардын транспорттук байланышын жакшыртып, жол кыймылынын коопсуздугун жана жашоочулар үчүн ыңгайлуулукту арттырууга багытталган.
