Түндүк – Түштүк жолунда тирөөч дубалдары курулууда
Түндүк – Түштүк альтернативдик унаа жолунун 191– 295-чакырым аралыгында жалпысы 12 тилкеде тирөөч дубалдарды куруу пландалган.
“Кыргызавтожол-Түндүк” ишканасынын маалыматына ылайык, учурда курулуш иштери үч тилкеде активдүү жүргүзүлүүдө.
Алардын ичинен:
1-тилкеде – 240 метр;
2-тилкеде – 60 метр;
3-тилкеде – 100 метр узундуктагы тирөөч дубалдардын курулушу аткарылууда.
Азыркы учурда бул үч тилкедеги курулуш иштеринин аткарылышы 90%га жетип, жумуштар белгиленген графикке ылайык жогорку темпте улантылып жатат.
Тирөөч дубалдар жолдун туруктуулугун камсыз кылып, жер көчкү жана таш кулоо коркунучун азайтуу менен катар жол кыймылынын коопсуздугун жогорулатууга багытталган.
Калган тилкелерде да курулуш иштерин этап-этабы менен жүргүзүлөт.
