Бишкектеги Бердибаев көчөсү оңдоп-түзөөдөн өткөрүлдү
Бишкек шаарынын Ленин районундагы Бердибаев көчөсүнүн Асылкеч көчөсүнөн Арча-Бешик көчөсүнө чейинки 370 метрлик бөлүгүндө капиталдык оңдоо иштери толугу менен аяктады.
Бишкек шаардык мэриясынын маалыматына ылайык, капиталдык оңдоонун жүрүшүндө жолго жаңы асфальт-бетон төшөлүп, жөө жүргүнчүлөрдүн коопсуз жана ыңгайлуу жүрүүсү үчүн тротуарлар курулду. Ошондой эле жаан-чачын жана кардын эриген сууларын натыйжалуу агызууга багытталган заманбап ирригациялык тармак орнотулду.
Оңдоо иштери “СУ-4 Кара-Балта” ЖЧКсы тарабынан белгиленген мөөнөттө жана сапаттын колдонуудагы талаптарына ылайык аткарылды.
