Улуттук банк: беш айда банк сектору 10,6 млрд сом таза киреше тапты
2026-жылдын 31-майына карата абал боюнча Кыргызстанда 26 коммерциялык банк жана алардын 307 филиалы иштеп турган. Алардын алтоосу ислам банк иши жана каржылоо принциптери боюнча кызмат көрсөтүшөт. Улуттук банктын банк секторунун өнүгүү тенденциялары тууралуу расмий маалыматына ылайык, жыл башынан бери 5 айда банк секторунун суммардык активдери 10 623,7 млн сом таза киреше алган.
Бул 2025-жылдын ушул эле мезгилинде салыштырмалуу азыраак болгондугу байкалууда, былтыр - 11 975,3 млн сом өлчөмүндө киреше алынган.
Билдирүүгө караганда, банк секторунун суммардык активдери жыл башынан тартып 32,6% өсүү менен былтыркы жылдын аягында салыштырмалуу жогорулаган. 2025-жылдын акырында – банк секторунун жалпы активдери 1 211,2 млрд сомго барабар болгон.
- Банк секторунун кардарларынын кредит портфелинин көлөмү жыл башынан 14,6% өсүү менен 581,0 млрд сомду түздү. (2025-жылдын акырында – 10,5 пайыз же 53,0 млрд сом). Эң көп кредит соода тармагына жана керектөө муктаждыктарына берилген.
- Банк секторунун кардарларынын жалпы депозиттик базасы жыл башынан 6,4% өсүү менен 921,5 млрд сомду түзгөн. (2025-жылдын акырында – 866,2 млрд сом)
Ал эми банк секторунун кредит портфелинин долларлашуу деңгээли 2026-жылдын башталышынан тартып өзгөрүлгөн жок жана 18,3 % түзгөн. Банк секторунун депозиттик базасынын долларлашуу деңгээли 2026-жылдын башталышына салыштырганда 5,8 п.п. азаюу менен 29,0 % түзгөн.
