Улуттук банк бир катар банктардын жетекчилик кызматтарына талапкерлерди жактырды
Кыргыз Республикасынын Улуттук банкы 2026-жылдын 10-июлунда өлкөдөгү бир катар коммерциялык банктардын жетекчилик кызматтарына сунушталган талапкерлерди макулдашты. Атап айтканда:
- Компаньон Банкы” ЖАКтын башкармасынын төрагасынын биринчи орун басары кызматына Бапа уулу Кубанычбектин, ал эми башкарманын төрагасынын орун басары кызматына Мусабаев Данияр Шералиевичтин талапкерлиги жактырылды.
- “Бай-Түшүм” Банкы ААКтын башкы бухгалтеринин орун басары кызматына Сооронбаева Жылдыз Таалайбековнанын талапкерлигине макулдук берилди.
- “КСБ Коммерциялык Банк” ЖАКта директорлор кеңешинин көз карандысыз мүчөсү кызматына Джамансариева Асель Анарбековна, ал эми башкы бухгалтер кызматына Кабылбекова Анара Кабылбековна жактырылды.
- “ФинансКредитБанк” ААКтын директорлор кеңешинин көз карандысыз мүчөсү жана тобокелдиктерди тескөө боюнча комитетинин төрагасы кызматына Усенканов Бекзат Бахдаткановичтин талапкерлиги макулдашылды.
- “Мбанк” ААКтын ички аудит кызматынын начальнигинин орун басары кызматына Турсуналиев Мирбек Табалдиевичтин талапкерлиги жактырылды.
Улуттук банктын маалыматына ылайык, бардык талапкерлер боюнча макулдук берүү чечими кабыл алынган.
