Улуттук банк: Кыргызстандын банк системасы туруктуу иштеп жатат

Улуттук банк: Кыргызстандын банк системасы туруктуу иштеп жатат

КРнын коммерциялык банктарынын бирине карата санкциялардын киргизилиши тууралуу маалыматка байланыштуу, Улуттук банк билдирүү таратты.

Маалыматка ылайык, учурда Кыргызстандын банк сектору туруктуу абалда иштеп жатат. Банктар жетиштүү капиталга жана ликвиддүүлүккө ээ болуп, тышкы тобокелдиктерге туруштук берүү мүмкүнчүлүгүн сактап жатат.

Улуттук банк белгилегендей, коммерциялык банктар штаттык режимде иштеп, кардарларга бардык банктык кызматтарды үзгүлтүксүз көрсөтүүнү улантууда.

Ошондой эле жөнгө салуучу орган кырдаалга туруктуу мониторинг жүргүзүлүп, зарыл болгон учурда санкциялардын өлкөнүн финансылык системасына тийгизиши мүмкүн болгон таасирин азайтуу боюнча тиешелүү чаралар көрүлөрүн билдирди.

Белгилей кетсек, Кыргыз Республикасынын коммерциялык банктарынын жана алардын филиалдарынын 2026-жылдын 3-июлуна карата абалы боюнча  өлкөдө жалпы 26 коммерциялык банк ишмердүүлүк жүргүзүп жатат.


Эске салсак, өткөн жумада Европа Биримдиги Россияга каршы киргизген 21-пакет санкциясында Кыргызстанга байланыштуу бир катар чектөөлөрдү кабыл алып, ага ылайык, "ЭкоИсламикБанк" менен операцияларга тыюу салындыгы маалым болгон.  

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Банктар

Акыркы жаңылыктар

Баары

Өкмөт айыл чарбасын өнүктүрүү үчүн 5 кадамга барган

Кадамжайда 60 үй-бүлөгө арналган социалдык шаарча курулууда

Өлкө аймагында жер титиреди

Тоскоол-Ата токой чарбасында 100 гектар жер тосулат

Быйыл 4 коллекциялык тыйын чыкты