Мыйзамсыз акча алмаштырган 2 жаран жоопко тартылды
КРнын Улуттук банкынын лицензиясы жок, Ысык-Көл өрөөнүндө нак чет өлкө валютасын алмаштырып жүргөн 2 жаранга карата Улуттук банк чара колдонду.
Улуттук банктын басма сөз кызматынын маалыматына караганда, К.Ж.Р. жана К.Д.К.аттуу жарандар акча алмашуу операцияларын жүргүзүү менен алектенип жатышкан. Алардын бул мыйзамсыз ишмердүүлүгү Улуттук банктын Ысык-Көл областтык башкармалыгы тарабынан аныкталып, аталган жарандардын ар бирине 17 500 сом өлчөмүндө айып пул салынды.
Белгелей кетсек, акча алмаштыруу операцияларын Улуттук банктан атайын лицензия алган жайлар же банктар гана жүргүзө алышат. 2026-жылдын 28-июлуна карата Улуттук банктын ресстринде Кыргызстан боюнча лицензияга ээ болуп, ишмердүүлүк жүргүзүп жаткан 896 акча алмаштыруучу жай бар.
