Банктар

Visa Кыргызстанда Apple Pay кызматын ийгиликтүү ишке киргизгени үчүн BAKAI'га сыйлык тапшырды

Ишкер Media

29 июля 2026 11:43

Санариптик төлөмдөр тармагындагы дүйнөлүк лидер Visa Кыргызстанда Apple Pay кызматын ийгиликтүү ишке киргизгени үчүн BAKAI'га сыйлык тапшырды. Компания банктын өлкөдө заманбап төлөм технологияларын жана санариптик финансылык инфраструктураны өнүктүрүүгө кошкон салымын жогору баалаган.

Apple Pay — BAKAI'дын Visa карталарынын колдонуучуларына iPhone, Apple Watch, iPad жана Mac түзмөктөрү аркылуу дүкөндөрдө, мобилдик тиркемелерде жана онлайн кызматтарда тез, ыңгайлуу, коопсуз төлөм жүргүзүүгө шарт түзөт.

Сыйлык алуу — BAKAI менен Visa компаниясынын ортосундагы жогорку деңгээлдеги кызматташтыкты, ошондой эле банктын дүйнөлүк стандарттарга шайкеш келген финансылык алдыңкы технологияларды ишке киргизүүгө умтулуусун тастыктайт.

"Биз Visa'га биргеликтеги ишибизди жогору баалагандыгы үчүн ыраазыбыз. BAKAI үчүн санариптик сервистерди өнүктүрүү — негизги багыттардын бири. Кардарларыбыздын күнүмдүк каржылык операцияларын мүмкүн болушунча оңой жана ыңгайлуу кылуу үчүн заманбап, коопсуз, жөнөкөй төлөм системаларын түзүүнү улантабыз", — деп билдиришти BAKAI'дан.

BAKAI инновациялык продукттар менен сервистерди ишке киргизип, банктын санариптик экосистемасын ырааттуу өнүктүрүүдө. Бул аракеттер накталай эмес төлөмдөрдү мурдагыдан тезирээк, коопсуз жана миллиндогон колдонуучуларга жеткиликтүү кылууда.

Мындан тышкары окуңуз

Ала-Бука – Касан унаа жолунун 12 чакырымы толугу менен асфальтталды

Жалал-Абад облусундагы Ала-Бука – Касан унаа жолунун быйылкы жылга пландалган 5,5 чакырым тилкесине асфальт-бетон төшөө иштери толугу менен аяктады. Транспорт жана коммуникациялар министрлигинин маалыматына ылайык, жол куруу иштери №17 Жол эксплуатациялоо мекемеси тарабынан белгиленген графикке ылайык, курулуштун сапат талаптарын сактоо менен жүргүзүлдү. Аталган жолдун жалпы 12 чакырымына

Жалал-Абадда көп кабаттуу үйдүн курулушунда мыйзам бузуулар аныкталды

Мамлекеттик архитектура-курулуш көзөмөлдөө департаментинин Жалал-Абад региондук башкармалыгы шаардагы көп кабаттуу турак жайга текшерүү жүргүздү. Бул тууралуу Курулуш министрлигинин басма сөз кызматы билдирди. Маалыматка ылайык, текшерүү Байзаков көчөсү, 46 дарегинде курулуп жаткан объектте өткөрүлүп, техникалык талаптардын бузулганы аныкталды. Белгиленгендей, курулуш иштери бекитилген долбоордук документациядан четтөө менен жүргүзүлгөн. Ошондой эле

Ошто агроөнөр жай тармагын өнүктүрүү боюнча көчмө жыйын өттү

6-7-август күндөрү Ош шаарында Дүйнөлүк банктын каржылоосунда министрлик тарабынан ишке ашырылып жаткан "Ош облусунун жана Ош шаарынын аймактык экономикалык өнүгүүсү" долбоорунун алкагында Өндүрүмдүү өнөктөштүк комитетинин көчмө жыйыны өттү. Бул тууралуу Айыл чарба министрлигинен билдиришти. Жыйынга министрдин орун басары Мирбек Дүйшеев жана Комитеттин мүчөлөрү катышты. Көчмө жыйындын

Бишкектеги 10-кичирайондо убактылуу суу токтотулат

12-августта саат 09:00дөн саат 17:00гө чейин 10-кичирайондун бир бөлүгүндөгү турак жайларда, мектептерде, мектепке чейинки билим берүү мекемелеринде, саламаттыкты сактоо мекемелеринде, ошондой эле башка социалдык жана өндүрүштүк объектилерде ичүүчү суу берүү убактылуу токтотулат. Бишкек шаардык мэриясынын маалыматына караганда, суу менен жабдуунун убактылуу токтотулушу 10-кичирайондогу откананын суу