Улуттук банк коммерциялык банктардын капиталга баа берүү тартибин өзгөртүүнү сунуштады

Улуттук банк коммерциялык банктардын капиталга баа берүү тартибин өзгөртүүнү сунуштады

КРнын Улуттук банкы коммерциялык банктардын капиталынын жетиштүүлүгүнө (шайкештигине) баа берүү боюнча ички жол-жоболорго өзгөртүү киргизүүнү сунуштап, тиешелүү токтом долбоорун коомдук талкууга чыгарды.

Маалыматка ылайык, өзгөртүүлөрдүн негизги максаты – Кыргызстандын коммерциялык банктарынын чет мамлекеттердеги ишин жөнгө салуучу ченемдик укуктук базаны өркүндөтүү жана банк секторунун финансылык туруктуулугун бекемдөө болуп саналат.

Долбоордо банктар капиталдын жетиштүүлүгүн баалоодо учурдагы тобокелдиктер менен катар келечекте жаралышы мүмкүн болгон тобокелдиктерди да эске алышы керектиги сунушталган. Алардын катарына климаттын өзгөрүшүнө байланыштуу тобокелдиктер, криптовалюталык активдерге байланышкан тобокелдиктер, ошондой эле банктардын чет өлкөлөрдөгү ишмердүүлүгүнө байланышкан тобокелдиктер кирет.

Мындан тышкары, банктар чет мамлекеттерде иш алып барууга байланышкан олуттуу тобокелдиктерди өзүнчө баалап, аларды жабууга жетиштүү капиталды камсыздоого тийиш болот.

Бул өзгөртүүлөр КРнын Президентинин 2026-жылдын 6-мартындагы чет мамлекеттерде кыргыз банктарынын иштөөсү үчүн укуктук шарттарды түзүү боюнча жарлыгын ишке ашыруунун алкагында даярдалган.

Токтом долбоору Улуттук банктын расмий сайтындагы “Талкууга сунушталган долбоорлор” бөлүмүндө жана коомдук талкуу порталында жайгаштырылган. Документти кабыл алуу кошумча бюджеттик чыгымдарды талап кылбайт жана социалдык же экономикалык терс кесепеттерге алып келбейт.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Банктар

Акыркы жаңылыктар

Баары

Кадамжайда 60 үй-бүлөгө арналган социалдык шаарча курулууда

Өлкө аймагында жер титиреди

Тоскоол-Ата токой чарбасында 100 гектар жер тосулат

Быйыл 4 коллекциялык тыйын чыкты

Жыгач экспортуна тыюу салууну узартуу сунушталды