Саясат

БШК аймактык шайлоо комиссияларынын резервин толуктоого жарандарды чакырды

Ишкер Media

28 сен 2026 17:43

КРнын Борбордук шайлоо комиссиясы (БШК) бир катар аймактык шайлоо комиссияларынын резервдерин толуктоо үчүн жарандардан, саясий партиялардан жана коомдук бирикмелерден документтерди кабыл алууну жарыялады. Тийиштүү документтер 2026-жылдын 7-октябры саат 18:00гө чейин кабыл алынат.

Резервдери толуктала турган комиссиялардын арасында Түп, Каракол, Ак-Суу, Ысык-Ата, Аламүдүн, Чүй, Токмок, Талас шаардык, Талас, Жумгал жана Токтогул аймактык шайлоо комиссиялары бар.

Шайлоо комиссияларынын курамына жана резервине талапкерлерди саясий партиялар, ошондой эле жергиликтүү өз алдынча башкаруунун өкүлчүлүктүү органдары - жергиликтүү кеңештер сунуштай алышат.

Мыйзамга ылайык, Жогорку Кеңештин жана жергиликтүү кеңештердин депутаттары, мамлекеттик жана жергиликтүү өз алдынча башкаруу органдарынын кызмат адамдары, судьялар, укук коргоо жана фискалдык органдардын кызматкерлери, аскер кызматчылары, талапкерлер жана алардын өкүлдөрү шайлоо комиссиясынын мүчөсү боло алышпайт.

Мындан тышкары, башка мамлекеттин жарандыгы бар, соттуулугу жоюлбаган же алынбаган, башка шайлоо комиссиясынын мүчөсү болгон жана айрым негиздер боюнча мурда комиссия мүчөлүгүнөн мөөнөтүнөн мурда бошотулган адамдар да комиссиянын курамына кире алышпайт. Бир комиссиянын курамына жубайлар жана жакын туугандар бир учурда шайлана алышпайт.

Резервге кирүү үчүн жарандар тиешелүү жергиликтүү кеңешке документтерин тапшырышы керек. Саясий партиялар талапкерлердин документтерин түздөн-түз БШКга беришет.

Керектүү документтер:

шайлоо комиссиясынын курамында иштөөгө макулдук берүү жөнүндө арыз жана мыйзам талаптарын сактоо боюнча милдеттенме;
паспорттун көчүрмөсү; билими, иштеген же окуган жери көрсөтүлгөн биографиялык маалымат же резюме;
жашаган дареги жана байланыш телефондору;
жеке маалыматтарды чогултууга жана иштетүүгө макулдук; талапкерди көрсөтүүчү субъекттин протоколу.

БШК талапкерлер, эреже катары, тиешелүү калктуу пункттун аймагында жашашы керектигин белгиледи.

Мындан тышкары окуңуз

Миграция жаатындагы бир катар функциялар Эмгек министрлигине өткөрүлөт

Президенти Садыр Жапаров миграция чөйрөсүндөгү айрым функцияларды Эмгек, социалдык камсыздоо жана миграция министрлигине өткөрүп берүү жөнүндө Жарлыкка кол койду. Жарлык миграция чөйрөсүндө мамлекеттик башкаруунун бирдиктүү системасын түзүү, чет өлкөлүк жарандардын жана жарандыгы жок адамдардын өлкөгө кирүүсүн, жүрүүсүн, жашоосун, эмгек ишин, каттоосун жана эсепке алынышын жөнгө салууну өркүндөтүү максатында кабыл алынган.

Бишкекте лицензиясыз валюта алмаштырган төрт жаранга айып пул салынды

Бишкек шаарында Кыргыз Республикасынын Улуттук банкынын лицензиясы жок накталай чет өлкө валютасы менен акча алмашуу операцияларын жүргүзгөн төрт жаранга айып пул салынды. Бул тууралуу Улуттук банктан маалымдашты. Маалыматка ылайык, А.Н.Р., А.у.А., Е.Б.К. жана Ш.Н.К. аттуу жарандардын ар бирине 17 500 сомдон айып

Бизнесте жасалма интеллекти колдонуу менен ишиңизди жеңилдетиңиз!

Жасалма интеллект биздин жашообуздун бардык сферасына, анын ичинде бизнеске да ылдамдык менен кирип жатат. Жасалма интеллект компьютердик системдердин адам сыяктуу ойлонуп, анализ жүргүзүп, чечим кабыл алуусуна мүмкүндүк берген технология экенин билесиз. "Мына ушул технологиянын түрдүү платформалар бизнесте сиздин ишти жеңилдетип, мыкты жардамчы болуп берип, ишиңизди алга жылдырат. Бул жаатта

Ысык-Көлгө 800 миң карп-сазандын чабактары коё берилди

25-26-сентябрь күндөрү Балык өнөр жайы комплекси департаментинин Тоң районундагы бөлүмү тарабынан Ысык-Көл көлүнө карп-сазан балыгынын чабактарын коё берүү иш-чарасы өттү. Бул тууралуу Айыл чарба министрлиги билдирди. Маалымдалгандай, иш-чарага Туристтик-экологиялык милиция, Экологиялык техникалык көзөмөл кызматы, Улуттук илимдер академиясынын Биология институту, ветеринардык башкармалыктын өкүлдөрү жана