БШК жергиликтүү кеңештердин бир катар депутаттарынын ыйгарым укуктарын токтотту
Бүгүн, Шайлоо жана референдум өткөрүү боюнча борбордук комиссиясы өз жыйынында Москва, Панфилов, Каракол, Ат-Башы жана Таш-Көмүр аймактык шайлоо комиссияларынын жергиликтүү кеңештеринин депутаттарынын ыйгарым укуктарын мөөнөтүнөн мурда токтотту.
БШКнын маалыматына караганда, жыйындын жүрүшундө катталган талапкерлерди депутаттыкка талапкерлердин тизмесинен чыгаруу жана бош калган мандаттарды кийинки талапкерлерге өткөрүп берүү жөнүндө чечимдер кабыл алынды. Ага ылайык:
- Москва районунун Миң-Булак айылдык кеңешинин депутаты Колоева Бактыгүл Раимбековнанын ыйгарым укуктары берген арызынын негизинде мөөнөтүнөн мурда токтотулуп, бош калган мандат шайлоочулардын добуштарынын көбүн алып шайланган кийинки талапкер Пашунько Татьяна Сергеевнага өткөрүлүп берилди;
- Кайыңды шаардык кеңешинин депутаты Осмоналиев Жеңиш Калыбековичтин ыйгарым укуктары да анын арызынын негизинде токтотулуп, бош калган мандат кийинки талапкер Егембердиев Урмат Каратаевичке өткөрүлүп берилди;
- Каракол шаардык кеңешинин депутаттары Омуркулов Бактыбек Конокбековичтин жана Торобеков Азамат Нурлановичтин ыйгарым укуктары да арыздарынын негизинде токтотулуп, алардын ордуна кийинки талапкерлер Казакбаев Кайрат Аныварбековичке жана Сагынбек уулу Эрланга өткөрүлүп берилди;
- Ат-Башы районунун Ат-Башы айылдык кеңешинин депутаты Муратова Жасмина Муратовнанын ыйгарым укуктары берген арызынын негизинде мөөнөтүнөн мурда токтотулду;
- Таш-Көмүр шаардык кеңешинин депутаттары Иманбеков Бактыярдын жана Сыдыков Кенжебек Бакасовичтин ыйгарым укуктары да арыздарынын негизинде токтотулуп, бош калган мандаттар кийинки талапкерлер Оморкулов Улан Тынарбековичке жана Тургуналиев Замирбек Бактыбековичке өткөрүлүп берилди.
